كريم عبدالعزيز يضع شاب مصري في مأزق: اتحولت للتحقيق بسببك

نشر شاب مصري عبر حسابه على فيسبوك رسالة موجهة إلى النجم «كريم عبدالعزيز» بعدما تعرض لأزمة بسببه.

في شكوى فكاهية كتب شاب يدعى «فريد جمال» يقول: "ياريت بس اللي يعرف الفنان العالمي كريم عبدالعزيز يعرفه بس إني اتحولت للتحقيق عشان اتأخرت ع النبطشية بسبب إن الفنان بيصور لقطة -مصيرية طبعا- علي كوبري أكتوبر الساعة ٨ الصبح و موقفه كله".

وأضاف: "المضحك بقي ايه هي اللقطة اللي بسببها العجوزة والمهندسين واقفين تماما و زحمة موت؟ هي إنه ماشي بعربية ومفضينله الدنيا حواليه خالص وحاطين حواليه ٣ أو ٤ عربيات قال يعني عاملين مشهد زحمة و هو واقف متضايق من الزحمة وعمال يزمر".

 

ردود أفعال السوشيال ميديا

أثار المنشور سخرية رواد مواقع التواصل الاجتماعي بينما أثارت الأزمة غضب البعض بسبب عدم المبالاة بأحوال الناس المتجهة إلى أماكن عملها.

علقت إحدى المستخدمات ساخرة تقول بطريقة كريم عبدالعزيز: "هاتوصل - بس عبدالعزيز"، وكتب مستخدم: "انت فالتحقيق : طبعا انا لو حلفتلكم إن كريم عبد العزيز كان بيصور مشهد مش هتصدقوني".

بينما لفت أحد المستخدمين إلى مشكلة أخرى يقول: "تخيل بقى لو في مريض في عربية إسعاف وهما موقفين الدنيا كدا عشان المشهد إللى بيتصور ؟".