عمرو أديب منفعلًا: ليه الدولار في السوق السوداء مبينزلش.. إحنا هنجري ورا بعض؟

قال الإعلامي عمرو أديب: "3 مرات حصل تخفيض لسعر الجنيه.. المنطق بيقول ليه السوق السوداء ترفض النزول؟.. هو في كده؟.. السوق السوداء الدولار فيها بيزيد ومبينزلش.. "هو إحنا هنجري ورا بعض"؟.

وخلال تقديم برنامجه "الحكاية" عبر فضائية "إم بي سي مصر"، تابع أديب منفعلا: "السوق السوداء بتعلى مع السوق الرسمية.. دي أشياء منعرفهاش.. ونظريا مش بيحصل".

وواصل أديب: "في ناس بتلعب في السوق.. وحد مشتري الدولار غالي ورافض أنه ينزل.. هو عايزه كده غالي.. هو مين متحكم في الموضوع ده؟.

وفي سياق آخر قال الإعلامي عمرو أديب: "فين الحوار الوطني؟.. كل ده لسه بتعملوا اللجان؟.. ده أنتم لو بتعملوا حزب الاتحاد السوفيتي كان زمانكم ظهرتوا واتكلمتوا.. يا خبراء يا اقتصاديين يا اللي أنتم في الحوار الوطني.. أنتم بتدخلوا المغارة ومش بتطلعوا؟".

وخلال تقديم برنامجه "الحكاية" عبر فضائية "إم بي سي مصر"، تابع أديب: "عايزين حلول للأزمة.. اطلعوا قولوا أي حاجة.. أي اقتراح.. قولوا رأيكم مثلا في الشهادات بعائد 25%.. رأيكم مثلا في بيع جزء من الأصول".

وواصل أديب: "داخلين على سنة وأنتم مش موجودين.. والبلد محتاجة اللي يقف جنبها.. إحنا شوية وداخلين على رمضان وبعدين العيد والساحل الشمالي.. هتتكلموا امتى؟".

ونقدم لكم من خلال موقع "أهل مصر"، تغطية ورصدًا مستمرًّا على مدار الـ 24 ساعة لـ الدولار , عمرو أديب , السوق السوداء , سعر الذهب، أسعار اللحوم، أسعار الدولار، أسعار اليورو، أسعار العملات اليوم ، أخبار الرياضة، أخبار مصر، أخبار الاقتصاد، أخبار المحافظات، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.