أبرز 5 تصريحات لتامر هجرس على cbc

تامر هجرس، حل الفنان تامر هجرس ضيفًا في برنامج “اسألني” الذي يعرض على الصفحة الرسمية لشاشة “cbc” على موقع “فيس بوك” وتحدث عن أمور كثيرة في حياته الفنية والشخصية.

 

ومن خلال السطور التالية ترصد فيتو أبرز 5 تصريحات للفنان تامر هجرس.

1- بحس إن وسامتي وسامة قلب مش أكتر همَّ الناس اللي بيقولوا غير كده.

2- أجور الأعمال الفنية جيدة ومن الممكن أن يقدم الفنان عملًا واحدًا في العام وينفق من أجره طوال العام.

3-إيناس الدغيدي اللي في قلبها على لسانها وما لهاش كبير.

4 -الأكل اللي في “التجربة الدنماركية” كنا بناكله بجد كنا بناكل أكل هستيري.

5 - لا أمانع من دخول بناتي مجال الفن ورسالتي لهم أن إيمانهم بالله هو قوتهم.

 

وكان كشف الفنان تامر هجرس في وقت سابق، عن خطة ذكية تمكن الرجل من كسب زوجته بكل سهولة دون مشكلات في الحياة الزوجية.

 

عصبية تامر هجرس

وقال تامر هجرس خلال لقائه ببرنامج "الستات ما يعرفوش يكدبوا" المذاع على قناة "سي بي سي": "أنا ما بقتش أتعصب، وقليل جدًّا لما أتعصب مع مراتي، ولما بتعصب بحاول تبقى مضايقة أكتر منها عصبية، ومفيش علو صوت".

تعامل تامر هجرس مع زوجته

وتابع: "أنا ببعد أول لما بتعصب وأعلي صوتي على مراتي، وبحس إن فيه شيطان في الموضوع وحاجة مش كويسة مش هتوصلنا لحاجة كويس، وبحاول على قد ما أقدر أفسر لمراتي أنا متضايق من إيه ولو جرحتني بشرح لها بهدوء".

وأكمل تامر هجرس: "فيه رجالة كتير جدًّا تتعصب وما تعترفش إنها مجروحة، وبدل ما نقول للزوجة بقلة أدب أو قلة احترام ممكن نقول لها على خطأ عملته أنتِ جرحتيني".

روتين تامر هجرس

وأشار: "أنا مش ملاك وفيَّ عيوب كتيرة جدًّا بس بحاول أعمل توازن في حياتي، والمديتيشن بتاعي قراءة القرآن الكريم، والبني آدم مننا محتاج يقرأ قراَن ولو 10 دقايق في اليوم، وأنا بعمل كده وفيه تسبيح ودعاء لربنا".