أبرز تصريحات محمد رمضان عن جعفر العمدة في مساء Dmc.. الشخصية أكبر مني والمسلسل تحدي صعب

كشف الفنان محمد رمضان تفاصيل مسلسله الجديد جعفر العمدة بطولته وإخراج محمد سامي، والمقرر عرضه في الماراثون الرمضاني 2023

 

وتحدث محمد رمضان عن تفاصيل دوره في مسلسل جعفر العمدة، وذلك خلال لقائه في برنامج مساء Dmc، قائلًا: شخصية مصرية أصيلة بينتمى إلى حي السيدة زينب العريق، عندوا انتماء وأصل وراجل مطلعش من جلباب أبوه ولا المنطقة اللي نشأ فيها، عنده صفات كتير عظيمة، وأيضًا عنده أخطاء بشرية طبيعية، والكمال لـ الله وحده، والعظيم في الشخصية إن هو شخص بيتدراك أخطائه مع المواقف واللي بيمر بيه في حياته، وبيعترف بيها، وشخصية أنا حبيتها جدًا.

وأردف محمد رمضان حديثه عن وجه الشبه الذي يجمعه مع شخصيته في مسلسل جعفر العمدة، إذ قال: علاقته بوالدته، وإزاي هو مسيطر في الشغل وعنده نفوذ الشخصية اللي بمثلها هي راجل أعمال في مصر، ولكن قدام أمه بيبقى صغير، وديه الحاجه اللي بتشبهني في العمل.

محمد رمضان: بعمل شخصية أكبر مني بـ 20 سنة

وعن سبب اختياره للشخصية، قال محمد رمضان: الشيء الأول فكرة السن، بجسد شخصية أكبر مني بـ 20 سنة، وده تحدي كبير جدًا، إن إزاي الجمهور يصدق محمد رمضان في المسلسل إنه سنه 56، وده شيء استفزني كممثل، إن التفاصيل كلها تبان والحركة بردو في السن ده، ولكن التفاصيل مهمة جدًا والحركة بتبقى أبطأ شويه من الشباب، ومسكة كوباية الشاي حتى بتكون مختلفة، وهي بتكمن في اللاوعي عندي، أعتقد إن ديه ممكن تعمل المصداقية، وفيه تفاصيل كتير جدًا قدرت تمر في اللاوعي عند الجمهور، ويخلي الجمهور يصدقني.

وأردف محمد رمضان: عنده الطبيعي لأي شخص عنده طموح وحريص على سعادة جمهوره، وإن هو يقدر ينال إعجابهم، وطول الوقت بنشوف إزاي نقدر نتخطى نجاحاتنا السابقة، الحمد الله الأسطورة كنت جاي من ابن حلال وكان تحدى صعب، والحمد لله قدرنا نتخطى، البرنس ونسر الصعيد، وكل مسلسل بيبقى له تحدياته، وأنا وسامي عملنا سوا نجاحين صعب جدًا إن ندخل في تحدي معاهم، ولكن قولنا بسم الله وثقة في الله، وبوعد الجمهور إن جعفر العمدة هيتخطى البرنس والأسطورة.

محمد رمضان: أكتر لقب أقرب لـ قلبي هو اسمي.. وفخور بيه

واختتم محمد رمضان: أكتر لقب أقرب لـ قلبي هو محمد رمضان، بحس إنه جميل لإنه اسمي واسم أبويا، ومحمد رمضان كل دول ابن حلال والأسطورة، والبرنس، نمبر وان، فأنا فخور باسمي جدًا.