هدف
الأربعاء 19 مارس 2025 مـ 11:48 صـ 20 رمضان 1446 هـ
موقع هدف
رئيس مجلس الأمناء مجدي صادقرئيس التحرير محمود معروفأمين الصندوق عادل حسين
دكتور محمود محيي الدين: تمويل العمل التنموي يتطلب بناء القدرات وتطوير أطر التمويل الوطني المتكاملة بريطانيا تمنح جائزة إنجاز العمر للدكتور محمود محيي الدين د. محيي الدين: التحول نحو اقتصاد أكثر استدامة يفتح فرصًا جديدة للاستثمار خاصة في الطاقة المتجددة، والتكنولوجيا النظيفة المطيري: تنظيم القمة الخليجية الـ45 بما يليق بمكانة الكويت الإقليمية والعلاقات بين دول مجلس التعاون فكرة إنشاء الهيئة العامة للرقابة المالية لهذا جذور مرتبطة بتطوير القطاع المالي والاستثمار والادخار فرج عبد الظاهر: التيسيرات الضريبية الجديدة فرصة ذهبية لدعم المشروعات الصغيرة والمتوسطة الدكتور محمود محيي الدين: السلوك المسئول للشركات لخدمة أهداف الاستدامة أصبح ضرورة ملحة للنجاح الواحي: الحماية الاجتماعية خطوة هامة ونحتاج إلى حلول مستدامة فليند تحصل على ترخيص كأول مؤسسة مالية رقمية غير مصرفية فى مصر متخصصة في تمويل المشاريع الصغيرة والمتوسطة الواحي: وحدة ووعي الشعب المصري ضرورة ملحة في الظروف الحالية «نجم الدين لتجارة الذهب والفضة» تطرح أصغر سبيكة في العالم خلال مشاركتها بمعرض ” نبيو” للذهب والمجوهرات وزير التموين وابو العنين يفتتحان معرض نبيو للذهب

فتاة مايو في واقعة هتك العرض: المتهم قال لازم أعمل معاكي علاقة عشان أهلنا يوافقوا إننا نتجوز| خاص

هتك عرض - تعبيرية
هتك عرض - تعبيرية

يواصل القاهرة 24 نشر التحقيقات في واقعة تعرض فتاة لم تبلغ سن الـ 18 بعد، لواقعة هتك عرض من أحد الصبية، الذي ارتبط بها عاطفيًا، واحتال عليها واعدا إياها بالزواج، حتى تمكن من إقامة علاقة غير شرعية معها، نتج عنها حملها سفاحا.

هتك عرض فتاة 15 مايو

وجاءت اعترافات الفتاة المجني عليها في تحقيقات النيابة العامة كالآتي:

اللي حصل إن إحنا والمتهم جيران من زمان، وبدأ يبقا بينا علاقة حب من حوالي سنتين، واتطورت العلاقة دي وخدنا أرقام تليفونات بعض، وخدنا على بعض جدًا، وقالي هيتجوزني فأنا صدقته، ومن حوالي سنة كنا متخانقين وهو قالي تعاليلي البيت، وأنا روحتله وكنت فاكرة إن أهله موجودين، ولما روحت اكتشفت إنه لوحده، وأنا كنت عايزة أنزل من البيت، وهو قالي عايزك في موضوع، فقولتله إيه هو، قالي إن أهلي عايزين يجوزوني بنت بالعافية، فأنا قولتله إيه الحل في الموضوع ده، قالي إن لازم أنام معاكي عشان أتجوزك غصب عنهم، وأنا عشان بحبه وافقته على الكلام ده، وعملنا علاقة غير شرعية مع بعض.

وأضاف: بعد ما خلصت أنا روحت البيت، وكلمته في التليفون، وكنت بعيط وهو قالي متخافيش أنا هتجوزك، وأنا صدقته عشان كنت بحبه وبعد كده فضلنا نتكلم عادي، لحد ما في يوم بعد أول مرة بحوالي 3 أسابيع، طلب مني إنه يجيلي البيت عشان يعمل معايا علاقة، وفعلًا هو جه وعاشرني معاشرة الأزواج، وحصل بينا الكلام ده كتير جدًا، شوية في البيت عنده وشوية في البيت عندي، وآخر مرة حصل بينا الكلام ده قبل العيد الكبير بحوالي 3 أيام يعني تقريبا يوم 25 يونيو 2023، واتفقنا إني أروحله البيت وروحتله وعاشرني معاشرة الأزواج، ودي كانت آخر مرة يحصل فيها بينا حاجة.

وتابعت: بعد كده أنا تعبت، وماما خدت بالها وودتني للدكتور، وعمل إشاعه وقالي إنى حامل وماما خلتني روحنا عملنا محضر بالكلام ده وهما في القسم جابوا المتهم واعترف باللي حصل وجينا على النيابة واتصالحنا عشان ما نضيعش مستقبل الولد، وهو وعدني وأهله إن هو هيتجوزني وبعدتها بدأ المتهم وأهله يهددونا لدرجة إن المتهم أخدني عند دكتور وقالي إنه هيكشف عليا، وكان متفق معاه إنه يسقطني ولما اكتشفت الكلام ده جريت منهم وده اللي خلانا تقدم الطلب وفتح المحضر من تاني.