كنت هرمي نفسي من البلكونة.. ريم البارودي تكشف تفاصيل واقعة عفريت الجزائر

قالت الفنانة ريم البارودي: "أنا كنت معزومة على تكريم في الجزائر، واتقال لي إنه تبع وزارة الثقافة الجزائرية وطلع الموضوع معمول في صالون بيتنا، وكنت هرمي نفسي من البلكونة، وقلت مش هشارك في المهزلة دي وقلت مش هنزل الحفلة والست المنظمة طلعت لي الأوضة فقلت لها مش هنزل وفجأة صوتها اتغير وطلعت ملبوسة ولقيت راجل بيقرأ لها قراَن وقالت لي أنا ملبوسة قلت لها وأنا مجنونة وهرمي نفسي من الدور الرابع".

وخلال تصريحات ببرنامج "العرافة" مع الإعلامية بسمة وهبة، تابعت "البارودي": "معرفش ليه المخرج محمد سامي مبيحبنيش وماعنديش معلومة، وبقيت اتفاجئ ومش عارف مين بيحبني ومين مبيحبنيش؟".

وأكملت: "رفضت مسلسل جري الوحوش مرتين، لأني عملت دور في الباطنية وأخاف اعيد تجربة مش معمول حسابها في حاجات كتير، وانا اكتر واحدة اعتذرت عن أعمال وبختار الأعمال بعناية".