صاحبة كشك بقالة في التحقيقات: صحيت من النوم لقيت نفسي عندي شركة ومديونة بـ 244 مليون جنيه …خاص
كشفت التحقيقات في قضية اتهام سيدة بمنطقة البساتين تدعى هاجر.ع 33 سنة ربة منزل، بالتهرب الضريبي بمبلغ يصل لـ 244 مليون جنيه إثر كونها شريكة في شركة سوستينا للدعاية والإعلان.
صحيت من النوم لقيت نفسي عندي شركة ومديونة بـ 244 مليون جنيه
وقالت المتهمة أمام جهات التحقيق: اللي حصل إني لقيت ناس من الضرايب جايين المنطقة عندي وبيسألوا عليا وبلغوني إني عليا ضرايب 244 مليون جنيه عشان أنا شريكة في الشركة ومعايا ناس تانيين وأنا معنديش غير كشك بقالة، روحت أتأكد من الكلام دة لقيت إنه فعلا صح بس أنا معرفش حاجة عن الشركة دي.
واضافت المتهمة: بعدها خدت صورة من الورق وبعد كدة روحت ادور على الشركة دي بس معرفتش أوصلها وبعد كدة طلبوني في النيابة بتهمة التهرب من الضرائب وروحت هناك قلتلهم مليش علاقة بأي حاجة وبعد كدة هما روحوني وبعد كدة عرفت إن اسمي بينزل جلسات وبروح أحضرها وكل مرة بيمشوني.
صاحبة كشك بقالة أمام المحكمة
وأكدت المتهمة: لقيت ناس تانية بعد ما دخلت في المشكلة وفي جار ليا ساكن في الشارع اللي ورايا وبعد ما عرفت روحتله وطلع ميعرفش أي حاجة زيي بالظبط، وبعد كدة أنا وهو بقينا بندور مين اللى دخلنا الشركة دي وعرفت من حضور الجلسات إن اللي دخلنا واحد اسمه س.ل وكنا فاكرين إنه محامي وبعدها عرفنا إنه موظف في مكتب محامي وبيقول على نفسه محامي بس هو اتحبس وعرفت من الضرايب إن الشخص ده هو دخلنا بتوكيلات معرفش أرقامها بس اللي أعرفه إنها توثيق العاشر من رمضان وأنا عن نفسي معملتش توكيل لأي حد وأنا بتهم سامح.ل بتزوير توقيعي على الورق اللي دخلني بيه الشركة دي، وأنا معرفش عن الشركة دي أي حاجة.
