درة: أهلي انفصلوا وأنا 6 سنين وكانوا بيتخانقوا طول الوقت.. ومعنديش مخاوف من الأمومة

تحدثت الفنانة درة عن مخاوفها من الأمومة، كما كشفت كواليس طلاق والديها لأول مرة، موضحةً أهمية تقبل المرأة لأولاد زوجها إذا كان تزوج سابقًا.

وقالت الفنانة درة في تصريحات تليفزيونية: لو جوزك متجوز وعنده أولاد، لازم تحبيهم وتحترمي مساحتهم معاه، ولازم تشجعيه لأنه هيفضل أبوهم وهما أهم حاجة في حياته، وأنا أبويا وأمي مطلقين وفضل أبويا لما أتجوز، ولما خلف أخويا الصغير أنا وهو بنموت في بعض، وعلاقتنا قوية جدًا وبنحل بعض.

وتطرقت درة للحديث عن علاقتها بوالديها خصوصًا بعد الطلاق، حيث قالت: علاقتي مع والدتي كويسة، وبتكلم عن والدي كتير لإنه متوفى، ومامتي بطلة، اتطلقت واتجوزت في سن صغير، واعتمدت على نفسها وهي عندها 18 سنة وبتشتغل، واتطلقت وهي عندها 28 سنة وكان عندي 6 سنين، وكانت بتجري من الشغل علشان تجيبنا من المدرسة، وكانوا بيتخانقوا طول الوقت وأنا صغيرة، ومكنتش متدخلة في حياتهم خالص.

وتابعت درة كاشفة كواليس طلاق والديها، قائلةً: والدتي جاتلي في يوم وقالتلي أنا هطلق من والدك، قلنا هييه وفرحنا، وبعد كده استوعبت إيه اللي حصل، وهي قدمتلنا الموضوع بطريقة مش وحشة، وأنا قبلت الموضوع بسبب إن كان في خناق وصوت عالي وأنا مش بحب الصوت العالي، وده موتر أكتر للطفل.

أكملت درة تفاصيل حياتها بعض انفصال والديها، قائلةً: وأما كبرت بقى عندي تساؤلات، وكنت بروح عندي صحابي وكنت بحس إني عايزة أكون عندي عيلة، بس تفهمت إن هي دي الحياة، ووالدي ووالدتي شخصيتين مش متفاهمين والبيت مكنش هيبقى كويس، وكنت مشجعة إن كل واحد فيهم يتجوز عكس أخويا.

درة تتحدث عن مخاوفها من الأمومة

واختتمت درة كاشفةً موقفها من الإنجاب، وقالت: معنديش مخاوف إني أبقى أم، وأتمنى ده يحصل، لكن عندي خوف من إني ماكنتش أم قبل كده، وخايفة لو جبت بنت قلبها يوجعها، بالذات المشاهير، لإن ولادنا بيشيلوا شيلة مش بتاعتهم، ونفسي أبقى أم، وأخلف طفل واحد بس.