لما شوفت الأفيش بكيت.. أحمد فهيم يحكى كواليس نجاحه فى ”جعفر العمدة” فيديو

"شخصية سيد فى "جعفر العمدة" عرضت علىّ قبل تصوير المسلسل بيومين وما كنتش مستوعب اللى بيحصل إطلاقا".. بهذه الكلمات حكى الفنان أحمد فهيم فى لقاء تليفزيونى مع الإعلامى رامى رضوان عن كواليس نجاح دوره فى رمضان الماضى وقال فهيم: "رشحنى المخرج محمد سامى للدور وكانت مسؤولية كبيرة، وعزلت نفسى تماما لمذاكرة الشخصية لأن كان فيها الكثير من التفاصيل، ولما شوفت صورتى على أفيش "جعفر العمدة" بكيت ودموعى نزلت لأن دى حاجة كنت مستنيها بقالى 20 سنة واتحققت الحمد لله". وعن نصيحة الفنان الراحل خالد صالح له قال أحمد فهيم: "قال لى ما أعملش دور كبير إلا لما أكون متمكن من أدواتى" وأضاف خلال برنامج مساء دى إم سى، "راضى جدا على ما فات وما هو قادم والحمد الله على كل حاجة حلوة ربنا ادهانى وراضى عليها وعاوز أعمل شخصيات كتيرة وأطلع الحاجات اللى جوايا"، وتابع: "اشتغلت حاجات كتيرة جدا قبل التمثيل ومنها حلوانى".