الجمعة 29 مارس 2024 مـ 02:15 صـ 19 رمضان 1445 هـ
موقع هدف
موقع هدف
موقع هدف
موقع هدف
رئيس مجلس الأمناء مجدي صادقرئيس التحرير محمود معروفأمين الصندوق عادل حسين

قتلته عشان شتمني.. أقوال المتهم بقتل مسن وإصابة نجله بالبساتين … تحقيقات

حوادث  مشاجرة _أرشيفية
حوادث مشاجرة _أرشيفية

شهدت منطقة البساتين التابعة لمحافظة القاهرة واقعة مأساوية، حينما أقدم عامل رخام يدعى محمد أبو الدهب علي 32 سنة، بطعن مسن يدعى حسن عبدالرحمن حسن بسلاح أبيض “مطواه” انهت حياته في الحال، وإصابة نجله بجروح بعد حدوث مشاجرة بينهم.

وحصل القاهرة 24 على التحقيقات في القضية وجاءت أقوال المتهم كالتالي: اللي حصل أني كنت معدي من شارع عويس حسن ف منطقة بيرام سلطان، وكان معايا واحد صاحبي اسمه عبد الرحمن محمد شحاتة، واحنا ماشيين لقينا الراجل اللي اسمه الحج حسن قاعد قصاد البيت بتاعه وماسك خرطوم مياه بيرش الشارع بيه، وبعدين سألته علي محل موبايلات فلقيته بيقولي شوف بيت الراجل هتلاقيه فهزرت معاه مش فاكر بقوله ايه فشتمني، وقالي غور من هنا ياض فشتمته فلقيت عيال الراجل طالعه من البيت وبيتخانقوا معايا فلقيتهم بيتكتروا عليه مع أبوهم.

أقوال المتهم بقتل مسن وأصابه نجلة بالبساتين

وأضاف المتهم: أنا كان معايا مطواه قرن غزال بمشي بيها عشان أنا كنت مخصم ناس، فكان لازم أشيل حتة سلاح عشان أدافع عن نفسي بيها فروحت مطلعها أدافع عن نفسي لقيت الراجل وولاده بيتكاترو عليا، فروحت ضربت المطواه في صدر الراجل معرفش جت فين بس لقيت دم بينزل منه كتير.

قتلته عشان شتمني

وتابع المتهم: صورت ابنه عشان ضربني بالشومة ساعتها وبعد كده طلعنا نجري لما لقينا الراجل واقع في الأرض وكنت رايح مستشفى اليوم الواحد علشان أخيط الإصابات اللي في رأسي لقيت الحكومة راحت وخداني، وبيسألوني عن المطواه اللي كانت معايا وهي وقعت وأنا بجري علشان شوفت الراجل وقع في الأرض، وجيت على هنا وهو ده كل اللي حصل.

من متى وأين حدث ذلك؟

ج: الكلام ده حصل يوم 2023/3/2 الساعة 9 مساءا بشارع عريس حسن سلطان.

س: ما سبب تواجدك بالمكان والزمان سالف الذكر ؟

ج: انا كنت رايح لواحد بتاع تليفونات.

س: من كان برفقتك آنذاك؟

ج: كان معايا واحد صحبي اسمه عبد الرحمن محمد شحاتة.

س: ما علاقتك بسالف الذكر وهل من ثمة علاقة ـو خلافات فيما بينكم؟

ج: هو يبقي صحبي ومفيش خلافات ما بينا.

س: وما علاقتك بالمتوفى وهل ثمة علاقة أو خلافات بينكما؟

ج: أنا معرفوش ومفيش خلافات مابينا.