• الرئيسية
• الفنون

قالت الإعلامية رضوى الشربيني:"انا مش معقدة من الرجالة، انا جيت في الدنيا بسبب راجل اللي هو أبويا وضهري وسندي في الدنيا، وأبو بناتي وطليقي راجل محترم، ازاي اكون معقدة من الرجال".

مشكلة رضوى الشربيني مع اشباه الرجال

وأضافت خلال لقائها ببرنامج "أنا والقناع" الذي تقدمه الاعلامية ايمان أبو طالب بقناة "الحياة":"أنا عدوة اشباه الرجال، والكائن اللى بيضرب مراته كل يومين تلاتة علقة سخنة مينفعش يتقال عليه راجل، الشخص اللى بيشغل مراته بالسخرة ويخليها تصرف عليه مينفعش نقول عليه راجل ".

رضوى الشربيني تصف الرجل اللعوب

وتابعت:"الشخص الى بيعشم كل البنات بالجواز ويضحك عليهم كلهم وميتجوزش ولا واحدة فيهم مينفعش نقول عليه راجل، والشخص اللى اتجوز واحدة ومحصلش نصيب وبقى بيجرجرها علي المحاكم علشان تشحت حقها مينفعش نقول عليه راجل".

زيجة رضوى الشربيني

واستطردت رضوى الشربيني:"انا حبيت واتجوزت وجوازتي كانت عن حب ومقدرش اتجوز حد مش عن حب لكن لما كبرت ادركت انه كان اعجاب شديد جدا بس ساعتها كنت بقول انه حب طبعا".

هل ندمت رضوى الشربيني علي زيجتها

وتابعت:"مش ندمانة علي جوازي رغم الطلاق ولو رجع بيا الزمن هتجوز نفس الجوازة لإن الجواز أثمر عن احلى حاجة في حياتي وهما بناتي، ده انا اتوجع كل يوم علشان يبقى عندي بناتي".

بكاء رضوى الشربيني

في نفس اللقاء، بكت الإعلامية رضوى الشربيني، علي الهواء بسبب انتقاد الناس لها ووصفها بأنها بلا مشاعر، قائلة: "أنا لسه بعرف اعيط اوي عكس ما كل الجمهور فاهم، كل الناس واخدين عني صورة المرأة الحديدية اللى بلا مشاعر وبلا شعور وده مش صح".

 

تغير حياة رضوى الشربيني بعد وفاة والدتها

وتابعت خلال لقائها ببرنامج "أنا والقناع" الذي تقدمه الإعلامية إيمان أبو طالب بقناة "سي بي سي":"بعد لما أمي توفت الحياة اختلفت خالص بالنسبة لي، بقيت أعيط أوي، قبلها مكنتش بعيط زي بعد لما ماتت".

 

دعاء والدة رضوى الشربيني

وأضافت:"أمي كانت دايما تقولي تعالى هنا بوسي ايدي علشان ادعيلك، دعوتي شايلة عنك بلاوي وفعلا دعوتها كانت شايلة عني بلاوي".

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم، أسعار الدولار، أسعار اليورو،أسعار العملات، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطال، الدوري المصري، دوري أبطال أوروبا،دوري أبطال أفريقيا ، دوري أبطال آسيا ، والأحداث الهامة والسياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.