ميدو: لا تذبحوا لاعبي الأهلي.. الشناوي حارس مصر الأول ويجب دعمه

طالب أحمد حسام ميدو، نجم الكرة المصرية السابق، بعدم ذبح لاعبي الجيل الحالي في النادي الأهلي، مشددا على أن الأهلي مازال يمتلك فرصة للتأهل إلى ربع نهائي دوري أبطال إفريقيا هذا الموسم.

تصريحات أحمد حسام ميدو

وقال ميدو في تصريحات تلفزيونية: الجيل الحالي في الأهلي حقق بطولات كثيرة ولا يجب ذبحه، لابد من التعامل معه بتوازن، ولا يجب أن يتم الإشادة بالجيل بشكل مبالغ فيه وفي الوقت نفسه لا يجب ذبحه.

وواصل نجم الكرة المصرية السابق: الأهلي لابد أن يكون تفكيره في حصد الست نقاط فقط أمام القطن والهلال وينسى فكرة تفويت صن داونز للهلال علما بأن الهلال فريق قوي جدا، وخسر من صن داونز ذهابا بصعوبة.

وفي سياق متصل، رفض أحمد حسام ميدو، الانتقادات القاسية الموجهة لـ محمد الشناوي حارس مرمى الأهلي، مشددا على أنه في حاجة إلى الدعم بالوقت الحالي.

وقال ميدو في تصريحاته: مش عجبني اللي بيحصل للشناوي من انتقادات خلال آخر 48 ساعة، قولنا إن الشناوي مش مركز وعنده أخطاء لكن ده مش معناه إننا نطالب باستبعاده ونقسو في الانتقادات.

وأكمل أحمد حسام ميدو: الشناوي أفضل حارس في مصر دلوقتي، ولازم نحافظ على اللعيبة بتاعتنا، مش طبيعي إن الشناوي يتحول من سوبر مان لحارس معندوش فكرة.

واختتم ميدو: الشناوي اترفع للسما بعد ماتش الذهاب ضد صن داونز وفي الماتش اللي هناك نزل الأرض، لازم يكون في توازن في التعامل معاه، ده حارس مرمى منتخب مصر الأول، ولو الأهلي أو منتخب مصر خسروا الشناوي هيكون في أزمة، وبقول لجمهور الأهلي عندكوا حارس كويس جدا، الشناوي يحتاج للدعم في الوقت الحالي.