السيسي: بقول للناس أوعوا تطمنوا ولا تغمض عين أو جفن.. لما سكتنا قبل كدة شوفتوا حصل فينا إيه

قال الرئيس عبد الفتاح السيسي، رئيس الجمهورية، إنه يجب تعويض كل ما فات أهالي سيناء خلال الفترة الأخيرة والانتهاء منه في أسرع وقت وخلال فترة زمنية قليلة، وذلك بعد الانتهاء من عملية إزالة العبوات الناسفة والمتفجرات، قائلًا: اتعرض علينا من عدد من الوزارات تخطيط ليس متواضع لتنمية وإعمار سيناء.

خطة تنمية وإعمار سيناء

وأضاف السيسي، خلال تفقده اصطفاف المعدات المشاركة في تنفيذ خطة الدولة لتنمية وإعمار سيناء: مش عاوزين ننسى الأيام المؤلمة اللي مرت علينا، عشان ميتكررش معانا تاني، لا هنا ولا في أي حتة في مصر، التواصل مع الناس، مع شيوخ القبائل بين القوات وبين أهالينا في سيناء، دي ثقافة ومطلوب ننفذها على أعلى مستوى.

ووجه السيسي رسالة للشعب المصري قائلا: الحذر مستمر من كل الأجهزة وأبدًا لا تغمض عين ولا جفن، أوعوا تطمنوا، مافيش اطمئنان أبدًا غير إننا دايمًا منتبهين لكل حاجة، وأبناء سيناء بينتبهوا معانا، لما سكتنا قبل كدة شوفتوا اللي حصل فينا إيه، متسكتش إنك تتعاون وهنحاول نشوف حل ونعالج ونفهم، منسكتش على حاجة، قعدنا 10 سنين ننتبه عشان نخلي بالنا أكتر.

وفي سياق آخر، قال الرئيس عبد الفتاح السيسي، رئيس الجمهورية، إن حرب الإرهاب حتى الآن لم ولن تنتهي، حيث إنها متمثلة الآن في حجم شائعات وأكاذيب وافتراءات غير طبيعي، والتي كان آخرها ما قيل عن قناة السويس.