السبت 24 فبراير 2024 مـ 10:28 مـ 14 شعبان 1445 هـ
موقع هدف
موقع هدف
موقع هدف
موقع هدف
رئيس مجلس الأمناء مجدي صادقرئيس التحرير محمود معروفأمين الصندوق عادل حسين

نص التحقيقات في جريمة قتل شهيد الشهامة خلال حضوره عقيقة بإمبابة

جريمة قتل
جريمة قتل

شهدت دائرة قسم إمبابة جريمة قتل بشعة بإقبال شخص يدعي “محمد. ع” على قتل شهيد الشهامة يدعي صلاح فتحي، والشروع في قتل صديقه عبدالله علي بعد نشوب مشادة كلامية بينهم خلال حضورهم عقيق أحد أصدقائهم.


فيما يلي استعراض لأقوال عبدالله.ع السن ٢١ عاما إمبابة الجيزة، المجني عليه الثاني "مصاب"

س: ما تفصيلات حدوث الواقعة ؟

ج: اللي حصل إن أنا وصلاح فتحي نصر ومعانا أصحابنا كنا معزومين في عقيقه عند واحد صاحبنا اسمه حمادة وكان فيه ناس كثير معزومه وروحنا وجاملنا الراجل وساعتها واحد صاحبنا اسمه رضا شد مع واحد من اللي كانوا قاعدين علی ترابيزه جنبنا وكان على الترابيزة دي محمد عربي وساعتها محمد ادخل وشد مع رضا صاحبي وانا اتدخلت واتكلمت مع محمد ان الموضوع مش مستاهل وقولتله هدي نفسك مش كده وهو رد عليا قالي انت مالك ما تدخلش في اللي مالكش فيه وما تتكلمش معايا وساعتها الموضوع كانها يقلب بخناقه بس حماده صاحب العقيقة الدخل علشان ما تتخانقش عنده والموضوع خلص على كده وبعد شويه محمد عربي والناس اللي معاه قاموا مشيوا وركبوا ب عربيه لونها فضي وساعتها ان وصلاح ورضا وثلاثه اصحابنا كمان قولنا نروح وراهم علشان رضا كان عايز يتكلم مع المواد صاحب محمد عربي اللي شد معاه وفعلا انا وصلاح ركبنا موتو سيكل بتاع رضا وصلاح هوا اللي كان سابق ورضا وواحد صاحبنا اسمه محمد خلف مصطفي غلاسه راكبين موتوسيكل ثاني وواحد صاحبنا اسمه سامي شارون كان راكب موتوسيكل ثاني لوحده ومشينا ورا العربيه الفضي في شارع الاعتماد ودخلنا على شارع امتداد الوحده وبعدها دخلنا على شارع الوحدة نفسه وعدينا على محل اسمه جوري الشام وقابلنا واحد صاحبنا اسمه حسن عوض قالنا رايحين فين فارديت عليه وقولتله ان رضا شد مع واحد ورايحين نقعد معاه هناك فركب معايا انا وصلاح وبعدها دخلنا على شارع الغيط ولقينا العربية مكمله لغايت نص شارع الغيط فساعتها رضا ومحمد خلف فضلوا مكملين ورا العربية وانا واللي معايا رجعنا ثاني عند محل جوري الشام اللي في شارع الوحده وبعد حوالي عشر دقايق لقيت محمد عربي طالعلنا من شارع الغبط وجاني عليا وبيقولي تعاله عايزك فاللي كانوا معايا قالولو فيه ايه قالهم انا هاتكلم معاه بس فالمشيت انا وهو لحد ناصية المشاريع وقالي انت كنت بتكلمني كده ليه وحسيته عاوز يعمل مشكله فا قولتله انا ما عمل لکش حاجه انت عايز مني ايه قالي.. انا عايز منك دم ولقينه مطلع مطواه من جيب الجاكت اليمين وراح ضاربني بيها في وشي معورني وفي دراعي وبطني وساعتها صلاح جري عليه ولسه ها يضربه راح محمد عربي حاط المطواه في قلبه وصلاح وقع مات في ساعتها وبعد كده محمد عربي راح ضاربني في بطني ثاني وبص على صلاح وطلع يجري ناحيه شارع الغيط وساعتها الناس اللي معايا جربوا على صلاح وانا كل اللي فاكره اني كنت سايح في دمي وركبت توك توك مع ناس معرفهمش ودوني المستشفى المركزي وهناك حولوني على معهد ناصر واتعالجت وخرجت النهاردة الصبح روحت على القسم وبعد كده جيت على النيابه وده كل اللي حصل.

Advertisements

س: متي حدثت تلك الواقعة؟

ج: الكلام ده حصل الأحد الموافق ۲۰۲۲/۲/۲٦ حوالي الساعة ٧:٣٠ او ٨:٠٠ مساء.

س: أين أبصرت المتهم محمد عربي لأول وهلة؟

ج: في عقيقة تخص واحد صاحبنا اسمه حماده بشارع ٣٤ متفرع من شارع الاعتماد إمبابة.

س: من كان برفقتك آنذاك؟

ج: كان معايا صلاح فتحي نصر محمد عبدالله واربعه تانيين أصحابنا.

س: وما هي أسماء من كانوا برفقتك ثلاثيا؟

ج: أنا معرفش أسماءهم كاملة بس هما كانوا رضا وجهة وسامي شارون ومحمد خلف ومصطفى علامة.

نقدم لكم خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا، دوري أبطال أفريقيا، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.