محمد رمضان يكشف عن إطلاق أغنية مع أغلى رابر في العالم (فيديو)
تحدث الفنان محمد رمضان عن أغنية مع أغلى رابر في العالم اسمه فيوتشر.
وقال محمد رمضان في تصريحات لبرنامج "صاحبة السعادة" للفنانة والإعلامية إسعاد يونس: "عندي أغنية مع أغلى رابر في العالم اسمه فيوتشر، ودي أول أغنية هو يعملها مع فنان عربي، وأنا لا دافع له حاجة ولا هو دافع لي حاجة، وشايفين بعض مكسب، والتبادل الفني مطلوب زي التبادل بين الدول".
غياب محمد رمضان عن السينما
كشف الفنان محمد رمضان، سر غيابه عن السينما 4 سنوات، موضحا: "آخر فيلم لي كان الكنز 2، وأنا خلصت أداء الخدمة العسكرية في 2019، وكنت عامل مشاريع قبل دخول الجيش، وصورت أجزاء كتير منها واستكملت بعضها في الإجازات وبعد لما خلصت الجيش جائت جائحة كورونا وتوقفت الأمور".
مشكلة ابتعاد محمد رمضان عن السينما
وأضاف خلال لقائه الخاص مع الإعلامية والفنانة إسعاد يونس بقناة "دي إم سي": "لما جت جائحة كورونا قلت أنا بعمل الفيلم علشان الجمهور يشوفه.. إزاي ينزل عرض ومفيش جمهور، فقلت أقدم مشروعات فنية للجمهور من خلال الكليبات الغنائية والدراما".
فيلم محمد رمضان ونيللي كريم
ولفت محمد رمضان: "أول لما الأمور استقرت بدأت تصوير فيلم علي الزيرو مع نيللي كريم، وعملت هارلي وعندي مشورعات أخري مع المؤلف محمد دياب".
كواليس تصوير فيلم هارلي يكشفها محمد رمضان
وتابع: "في فيلم هارلي قعدنا نصور 53 ساعة وراء بعض، وكان تحدي كبير اَخر يوم تصوير، والمفروض المكان اللى بنصور فيه فاضل له يومين ويتسلم والديكور يتشال لأنه كان قصر كبير، وعندهم التزامات وتعاقدات فسألنا فريق العمل واتسألت هتقدر تكمل تصوير المشاهد الباقية لمدة طويلة فقلت لهم احنا نقدر، بس في نفس الوقت ريحنا العمال".
